සඳගනාව LYRICS SADAGANAWA LYRICS AND MEANING

සඳගනාව

උදුල තරු මේ අහස් තලයෙන් වසන් වී වාගේ.. මාර සේනා හදට කැන්දන යාමෙ ලං වූයේ.. මේඝ වර්ශා ගලා හැලුනේ සේද යහනාවේ.. දෝරෙ යන මේ හැගුම් ගoගා ඔහේ සැලුනාවේ.. සඳගනාවට සඳලුතල සිප.. සුව දෙන යාමයේ.. උණුහුමේ ගිරි තුඩට මීපැණි.. ගෙනේවී රාත්‍රියේ ආයේ.. කාලෙකින් මං ආවෙ නැත්තේ පහල ගo තීරේ.. ඉවුරු තල සිප ගන්න අවසර දේද හිත කීවේ.. ගෙවී යන මේ භවේ, ජීවිත ගානෙ සංසාරේ... මගෙම වී පතිනිය නුඹේ දිවි ගෙවේවා නිබදේ.. සඳගනාවට සදලුතල සිප.. සුව දෙන යාමයේ.. උණුහුමේ ගිරි තුඩට මීපැණි.. ගෙනේවී රාත්‍රියේ ආයේ..


~වීඩියෝව ගැන වචනයක්~

පන්දම වගේම මේ සින්දුවත් බොහොම ශෘංගාරාත්මක එකක්. සියළු රසකාමයන් කුළු ගන්වන ආදරයේ උච්චතම අවස්ථාවන් වලට තෝතැන්නක් වන රාත්‍රී කාලය ගැන බොහොම අපූර්ව අර්ථයක් මනසට එකතු කරන බොහොම ලයාන්විත ගීතයක් විදියට මේක දකින්න පුළුවන්...

ඉස්සෙල්ලම අපි බලමු මොකක්ද මේකේ මතුපිට අර්ථය කියලා. ඊට පස්සේ අපි යමු ශෘංගාරාත්මක අර්ථය ට....

මේ සින්දුවේ කියවෙන්නේ රාත්‍රී කාලයක් ගැන. උදුල තරු අහස් තලයෙන් අයින් වෙලා. පිරුණු හඳ පායපු රාත්‍රියක තරු තිබුණත් නෑ වගේ. අහසේ හැංගිලා වගේ.. සඳ අංගනාව පමණයි අහසේ ඉන්නේ. ඒ කියන්නේ ලෝකයාගෙන් මිදුණ නිදහස් වෙලාවක, මාර සේනා හදට කැන්දනවා. ඒ කියන්නේ ආදර සිතුවිලි හදේ පිරෙනවා.. සේද යහනාව කියන්නේ නිසොල්මන් හදවත. ඒ හදවත මේඝ වර්ෂාවෙන් තෙත් වෙනවා. නිසොල්මන් හදවත ආදර වර්ෂාවෙන් තෙත් වෙනවා... පිටාර ගලන මේ ආදර හැඟුමන් වලට ඔහේ පාවෙලා යන්න ඉඩ හරින්න.... "සඳගනාවට සඳළුතළ සිප සුව දෙන යාමයේ.. උණුහුමේ ගිරි තුඩට මී පැණි ගෙනේවී රාත්‍රියේ.. ආයේ.." සඳළුතළයට සඳ එළිය වැටුණු මේ රාත්‍රියේ ආදරයේ උච්චතම හැඟීම් කුළු ගැන්විලා කියලා තමයි මේ කියන්නේ... "කාලෙකින් මං ආවේ නැත්තේ පහල ගං තීරේ.. ඉවුරු තල සිප ගන්න අවසර දේද හිත කීවේ.." හදවතේ පතුලෙන්ම ආදරේ ගලනවා. මට අද ඒ ආදර ගඟේ ඉවුරට වත් එන්න දෙනවද? ඒ කියන්නේ ඒ ආදරේ යාන්තමට හරි ඔයාට දැනෙන්න දුන්නට කමක් නැද්ද වගේ අර්ථයක් මෙතන තියෙනවා. ඊට පස්සේ පද දෙකෙන් කියනවා ඔයා හැම භවයකම මගේම පතිනිය වෙන්න කියලා... සින්දුව ඒ විදියට කියවලා නිකං ඉන්න බෑ. මේකේ ඊට වඩා 'වල්' තේරුමක් තියෙන්න ඕනි. සඳළුතලයයි සඳයි අතරේ මොකක්ම හරි සැඟවුණු තේරුමක් තියෙන්න ඕනි. දැන් අපි බලමු මොකක්ද ඒ ශෘංගාරාත්මක අර්ථය කියලා.... "උදුල තරු මේ අහස් තලයෙන් වසන් වී වාගේ" දිලිසෙන තාරුකා අහසින් හැංගිලා. ඇයි මේ හැංගිලා තියෙන්නේ. ලැජ්ජාවට. මොකක්ද මේ ලැජ්ජාව. "මාර සේනා හදට කැන්දන යාමේ ලං වූයේ" මාර සේනාවක් වගේ හිතට සරාගී සිතුවිලි එන වෙලාවක තමයි මේ සඳගනාව ලං වුණේ. මේ සඳගනාව සහ සඳළු තළයේ සරාගී රැඟුම බලන් ඉන්න ලැජ්ජා හිතුණ තරු තමයි මේ හැංගුණේ... ඊළඟ පද පේළි වලින් කියවෙන්නේ යහන තෙත් වෙන බවක්. ඒ තෙත් වෙන්නේ මේඝ වර්ෂා වලින්. අතොරක් නැති සිප ගැනීම් මාලාවක ආරම්භයක් ගැන වෙන්න ඕනි මේ පද දෙකෙන් කියන්නේ... "මේඝ වර්ෂා ගලා හැලුණේ සේද යහනාවේ.. දෝරේ යන මේ හැඟුම් ගංගා ඔහේ සැලුණා වේ.." චන්ද්‍ර කුමරිය ඒ කියන්නේ සඳ අංගනාවට සුව දෙන්නේ සඳළුතළය ඉඹලා, එහෙම ඉඹිනකොට, උණුහුමේ ගිරි තුඩට මී පැණි ආවා ලු. "සඳගනාවට සඳළුතළ සිප සුව දෙන යාමයේ.. උණුහුමේ ගිරි තුඩට මී පැණි ගෙනේවී රාත්‍රියේ.. ආයේ.." මේ 'උණුහුමේ ගිරි තුඩ' කියනේ 'පන්දම' ම තමයි (ඊට වඩා සරල කරලා කියන්න බෑ අප්පා 😜). අතොරක් නැති සිප ගැනීම් වෙන වෙලාවක ගිරි තුඩට මී පැණි එන එක නම් ආයේ කොල්ලොන්ට නම් අමුතුවෙන් විස්තර කරන්න දෙයක් නැති වෙයි... 😉 තව විදියකින් කිව්වොත් සඳලු තළය කියන්නේ ගොඩනැගිල්ලක ඉදිරියට නෙරා ආපු කොටසක්. 'ඉදිරියට නෙරා ආපු' කොටසක් ඉඹලා සඳඟනාවට සුවය දෙනවා. එතකොට තමයි ගිරි තුඩට මී පැණි එන්නේ.. (කාන්තාවකගේ ඉදිරියට නෙරා ආව කොටස මොකක්ද? අන්න ඒකටයි මේ හාදු දෙන්නේ... 😉) හරි දැන් කොල්ලා සෑහෙන්න උත්කර්ෂයකට පත් වෙලා. ඒ කර්තව්‍යයට ශාරීරිකව හැඩ ගැහිලා.. දැන් රෙඩි.. මෙතනින් එහාට නම් තවත් ඉවසගෙන ඉන්න බෑ. ඔන්න දැන් හිමීට අහනවා.. මොකක්ද? "කාලෙකින් මං ආවේ නැත්තේ පහල ගං තීරේ.." ගොඩක් දවසකින් මට පහල කොටස පැත්තේ කරක් ගහන්න බැරි වුණා. තවත් සරල කරොත් "ගොඩක් දවසකින් අපිට සෙක්ස් කරන්න බැරි වුණා" කියලා කියනවා. "ඉවුරු තල සිප ගන්න අවසර දේද හිත කීවේ.." මං 'ඉවුරු තල' සිප ගත්තට කමක් නැද්ද? (කොල්ලොන්ගේ භාෂාවෙන් මේකට හරිම තේරුම කියන්න පුළුවන්. ඒත් මෙතන ඒක කියන එක උචිත නැති වෙයි 😉. දැනට කියන්නම් foreplay කියලා..) මේ සඳගනාව, මේ පුරුෂයාගේ විවාහක ස්ත්‍රිය වෙන්න ඕනි. ඒත් ගොඩාක් කාලෙකින් තමයි මුණ ගැහිලා තියෙන්නේ. ඒකයි මේ තරම් උත්කර්ෂයක්. අන්තිම පේලි දෙකෙන් කියන්න උත්සාහ කරන්නේ මේ ආත්මේ මේ විදියට ළඟින් ඉන්නවා වගේ ඔයා හැම ආත්මෙම මගේම වෙන්න කියන එක. "ගෙවී යන මේ භවේ ජීවිත ගානේ සංසාරේ.. මගෙම වී පතිනිය නුඹේ දිවි ගෙවේවා නිබඳේ.." මේ භවේ පතිනිය වුණා වගේම හැම භවයකදිම නුඹ මගේම පතිනිය වෙන්න කියලා මේ පුරුෂයා ආයාචනා කරනවා..... මේ තේරුම් දෙකෙන් ධනිත් අදහස් කරේ මොකක්ද කියලා අපි එයාගෙන් අහන්නේ නැතුව ඉමු... 😜

#copyrightreserved